jueves, 17 de diciembre de 2015

Boa Vida na TVG


Con estas palabras nos describe o periodista que fixo a reportaxe:

"A Asociación Boa Vida iniciouse na solidariedade e precisamente ese é o seu alimento. Este colectivo, nado en Pontevedra, recicla roupa, calzado e xoguetes entre outros artigos e despois véndeos. A iniciativa creada por un grupo de persoas en situación de exclusión social humaniza a nosa sociedade.

É unha casualidade solidaria que a Asociación Boa Vida se instalara na rua da Cruz Vermella en Pontevedra. O que non é accidental é o exito deste colectivo con menos de dous anos de vida. Esta asociación loita contra a pobreza, a exclusión social e traballa para erradicar as desigualdades tan palpables. Fano, a través do traballo e da formación.

No seu local onde traballan dous técnicos, catro bolseiros e unha vintena de voluntrios ofrecen de todo; sobre todo roupa e calzado e nestas datas moitos xoguetes. O funcionamento é sinxelo: recollen o que lles dan e véndeno a prezos asequibles. Xogan coa vantaxe de ser visibles.

Vendendo a mercadoría que conseguen, superan os mil euros de beneficios ao mes pero aínda non son suficientes para sosterse económicamente. Por iso fan un chamamento...

Ah, e tamén ansian mercar unha furgoneta e alugar un local nas aforas da cidade para reciclar os artículos máis voluminosos."

Nesta ligazón podedes ver a reportaxe: 

http://www.crtvg.es/informativos/boa-vida-recicla-roupa-e-vendea-para-loitar-contra-a-exclusion-social-1661909


Estamos moi agradecidos de que se fagan eco dos nosos esforzos e agradecidos tamén a todas aquelas persoas que nos acompañan dun xeito ou doutro neste camiño.

domingo, 13 de diciembre de 2015

PRESENTACIÓN GUÍA DE AXUDAS SOCIAIS

COMO MANEXARSE NO LABIRINTO BUROCRÁTICO PARA ESIXIR OS NOSOS DEREITOS.


O mércores 16 de decembro ás 20:00 na Epa de Pontevedra (escola de adultos) na Avda. Bos Aires 22-23 - Pontevedra.
A Oficina de Dereitos Sociais de Coia - Vigo presentarannos a súa Guía de Axudas Sociais.
Esperámosvos!



Subscribimos a súas palabras e admiramos a súa labor de loita.

Infórmate, reúnete con outras persoas e defende os dereitos sociais!
O empobrecemento, o desemprego, a precariedade, as pensións de miseria, a cesta da compra que non para de subir, a vivenda entendida como un ben de consumo, colócannos fronte a serias
dificultades para atender as necesidades máis básicas. Isto fai que moitas persoas nos vexamos en graves problemas para cubrir os mínimos para a vida: alimentación, vivenda, saúde...
Estas situacións estannos obrigando, a moitas de nós, a acudir aos chamados “servizos sociais” na procura de axuda, solución, ou, ás veces, dese milagre que precisamos para satisfacer as nosas necesidades básicas.
A realidade amosa que o que debería de ser un acceso seguro e transparente a un servizo público (como a sanidade ou a educación) convér tese, de feito, nunha “carreira de obstáculos” onde desgraciadamente é preciso ir informada de antemán, coñecer os nosos dereitos, saber o que dicir e o que non se “permite” facer etc.
A continuación deixamos indicacións, consellos, pautas... que consideramos útiles para aquelas persoas que pensan acudir ou xa tiveron contacto co mundo dos servizos sociais.
Para nós esta guía é unha ferramenta máis coa que loitar polo dereito a unha vida digna para todas as persoas.
Coia, decembro 2014.

lunes, 7 de diciembre de 2015

CAMPAÑA: A TÚA SOLIDARIEDADE TEN PREMIO

Seguimos recollendo roupa, calzado e xoguetes, pero durante un mes (do 8 de decembro ao 8 de xaneiro) coa túa entrega darémosche un ticket co que poderás elixir un tratamento facial ou un estudo nutricional gratuíto.
Grazas á colaboración de Centro Estilo de Vida Activo e a un gran número de salóns de estética e perruquería de Pontevedra, cafeterías e outros comercios que colaboran na visibilización desta campaña.
Mostramos así os seus servizos a persoas que colaboran con Boa Vida e os seus clientes habituais poderán ser informados do noso traballo e a nosa campaña de recollida con fins sociais. 
O traballo en rede pode xurdir de moitas maneiras e desde moitos puntos diferentes.
Grazas a quen o fai posible!






- Centro de estética Ponte Guapa -- rúa Michelena, 20 1º D
- Peluquería Ana Belén Olveira ----- rúa Castelao, 5 entreplanta
- Peluquería Aire Estilistas ----------- rúa Augusto González Besada, 13 baixo
- Peluquería Ana Barros --------------- rúa Marqués de Riestra, 14 baixo
- Peluquería Emi -------------------------- rúa Nova de Arriba, 50 baixo
- Peluquería Ani Soliño ---------------- rúa Maestro Soutullo, 7 1ºA
- Peluqueria ENCAR --------------------- rúa Gerardo Álvarez Limeses, Galerías Venecia local 4
- Peluquería Nova Imaxen ------------ rúa Oliva, 26 entreplanta
- Peluquería de caballero Wenceslao rúa Alfonso XIII, bajo
- Peluquería Rosa ------------------------ rúa Pardo Bazán 10, bajo
- DYPS 3 Perfumería - Cosmética - rúa Echegaray, 33
- Encuadernaciones Vimón ---------- rúa Marqués de Riestra, 7
- Nakasa Interiorismo ------------------- Praza de Galicia nº 5
- POT, objetos singulares y otras curiosidades ----   Rúa Marquesa 5, galerías  
- A Costureira (Hortensia Logroño) Arreglos y confecciones --- rúa Emilia Pardo Bazán, 10 bajo.
- Los Dedales de Mamá - Mercería Creativa ---- rúa Pardo Bazán, 14
- MOTOBIKE ------------------------------- Camiño Vello de Castilla, 4 
- Deportes Estadio ---------------------- Rúa Santa Clara
- Reformas Rey --------------------------- Rúa Echegaray, 45 - bajo
- Corujo Asesores ---------------------- rúa Jofre de Tenorio, 8 entreplanta
- Ara Formación -------------------------- rúa nova de Arriba, 1


- Fruterías Katuxa
- Bar - Cafetería Stratos --------------- Paseo de Colón 20
- Croisantería Dulce de Leche ----- rúas Raiña Victoria, Peregrina e Fernández Ladreda. 
- Cafetería Encuentros 2 -------------- rúa Alfonso XIII, 9 



Se queres máis información podes contactar con nós no teléfono 605 399 142 ou con Caty Argibay 633 376 769.
    
 


BOLETÍN DECEMBRO. FE DE ERRATAS

COMETIMOS UNHA ERRATA NO TELÉFONO DAS RECOLLIDAS NESTE BOLETÍN, ONDE PON 605 339 142 DEBERÍA POÑER 605 399 142, PERDOADE AS MOLESTIAS


Radio Cope Tarragona e a participación da nosa compañeira Virginia


Fai uns días a nosa compañeira Virginia foi entrevistada nesta emisora onde lle preguntaron polo Seminario de Participación Social da EAPN en Barcelona e tamén pola nosa campaña "Pobreza 0: obxectivo compartido" 

Preme na seguinte ligazón para escoitala: http://picosong.com/breQ/


Tendes máis información sobre a colaboración na seguinte ligazón tamén: http://societatlimitada.blogspot.com.es/search?updated-max=2015-09-25T03:41:00-07:00&max-results=1&start=9&by-date=false


miércoles, 18 de noviembre de 2015

Participación de Lotería de Nadal




Xa sabedes da nosa campaña Pobreza 0: obxectivo compartido da que podedes consultar máis detalles neste evento ou na pestana deste mesmo blog con ese mesmo nome
Ademáis para seguir recadando fondos este ano temos participacións de Lotería de Nadal que podes adquirir na nosa Tenda Solidaria na Rúa Cruz Vermella nº16 en Pontevedra.
Anímate e axúdanos, con cada participación donarás 1€ á nosa causa!




Esta semana nos recibiu o Partido Popular. Campaña Pobreza 0: obxectivo compartido






No marco da nosa campaña "Pobreza 0: obxectivo compartido" xa nos teñen recibido Marea PontevedraPodemos , Ciudadanos e esta semana tamén o Partido Popular. Con resposta positiva por parte de todos eles como xa sabedes polas nosas anteriores publicacións. Tamén temos confirmada unha reunión co PSOE que nos recibirá para valorar cómo poden axudarnos. Somentes falta o BNG que sigue sen contestar a nosa petición de reunión.


martes, 3 de noviembre de 2015

PROXECTO ITINERE

Como ben sabedes moitos dos que nos seguides, levamos realizando Itinerarios Personalizados de Inserción, enmarcados no proxecto da Oficina de Dereitos e Deberes Sociais, dende o ano 2014. 

Este ano a Xunta de Galicia fináncianos de novo estas actuacións que son desenvolvidas no denominado Proxecto Itinere que pasamos a explicar brevemente:

O Proxecto Itinere é un programa especial de formación e emprego enmarcado no Programa Operativo do FSE Galicia 2014-2020, no seu obxectivo 9 “Promover a inclusión social e loitar contra a pobreza e calquera forma de discriminación” e desenvolvido pola Asociación Boa Vida.


OBXECTIVOS DO PROGRAMA:
- Fomentar a Inclusión Social mediante o acompañamento no proceso de formación e capacitación das persoas participantes.
- Posibilitar o acceso ao mundo laboral.

- Dotar de habilidades sociais e potenciar as capacidaes individuais de cara a busca de emprego, a mellora persoal e a inclusión social.



Realizaranse Itinerarios Individualizados de Inserción segundo o Plan Galego de Inclusión Social no que se fixarán unha serie de obxectivos axeitados a cada participante.
Levaranse a cabo actuacións formativas, capacitadoras e de acompañamento tanto individuais como de grupo para acadar ditos obxectivos.

Sen olvidar o carácter integrador de ditas actuacións que se farán baixo unha filosofia de TRABALLO EN REDE

CONTACTO:
Para participar no programa solicita a túa cita telefónicamente, a través de correo electrónico ou persoalmente en:

  R/Cruz Vermella 16 Pontevedra 
886 160 350 e 691 201 517 

sábado, 31 de octubre de 2015

Esta semana nos recibiron Ciudadanos e Marea. Campaña Pobreza 0: obxectivo compartido


Esta semana nos reunimos con responsables de Ciudadanos e tamén con responsables de Marea Pontevedra.

De ambas reunións obtivemos respostas moi positivas, Ciudadanos aceptou directamente a nosa proposta facendo a súa primeira donación que podedes consultar na pestana adicada a esta campaña neste mesmo blog 



A Marea Pontevedra amosouse disposta a valorar positivamente a nosa proposta, agardamos unha resposta nos próximos días



Estamos á agarda de que nos reciban o restos dos partidos con representación municipal: BNG, PP e PSOE, tendose, estes dous derradeiros, amosado dispostos a reunirse e falar con nós.

jueves, 29 de octubre de 2015

ÚNETE A NOSA CAMPAÑA

A raíz da actividade realizada o sábado 17 de outubro acomezamos oficialmente a campaña Pobreza 0: obxectivo compartido.

Solicitamos o compromiso dos partidos políticos na loita contra a pobreza materializándose este na doazón do 0.7% dos seus ingresos anuais á nosa causa.

Tamén ampliamos esta solicitude a toda a cidadanía, precisamos mercar unha furgoneta que nos permitirá realizar as recollidas de forma autónoma e independente así coma ampliar os nosos servizos.




De superar o obxectivo invertiremos o recadado no desenvolvemento dos nosos proxectos sociais de cara a seguir acompañando e axudando a persoas que día a día teñen que loitar contra a pobreza e exclusión na nosa cidade.

Porque a nós non nos exclúe ninguén, non nos rendemos e somos parte activa na nosa loita pola dignidade!

martes, 27 de octubre de 2015

Presentación punto de recollida no Café Moderno e Pontevedra

O xoves 29 ás 19:30 presentamos o noso punto de recollida no Café Moderno (Praza de San Xosé, 3, segunda planta) coa seguinte charla: Non tires as cousas pode que alguén as precise.


A partir deste día poderedes deixar alí a roupa, calzado e outros obxectos que non precisedes cada mes do día 1 ao 7

domingo, 18 de octubre de 2015

17 Outubro. Día Internacional pola erradicación da pobreza e presentación da campaña POBREZA 0: OBXECTIVO COMPARTIDO

Onte ás 12:30 limos o manifesto contra a pobreza no que pedimos que se garantan ingresos mínimos universais, compromiso e transparencia en todas as actuacións das administracións públicas e dos partidos políticos e o acceso a vivenda universal.









Pedimos o 0.7% dos ingresos anuais dos representantes políticos a todos os niveis da administración e o seu compromiso na loita contra a pobreza.
Nós precisamos 4000€ para unha nova furgoneta e queremos chegar aos 15000€ para poder seguir traballando e mantendo os nosos proxectos, para istó pedimos tamén a colaboración cidadá.
Este primeiro convite xa tivo resultados, con contestación favorable a estas propostas de Ciudadanos, mentras que o PSOE e a Marea Pontevedra recibiranos en entrevistas para valorar a proposta.
O PP e Podemos desculpan a súa ausencia mentras que o BNG non contestou ao escrito, polo que se lle volverá a enviar a carta e solcitar a correspondente entrevista.









Grazas a todos os asistentes, á asociación 4Ponlas, aos voluntarios e particpantes de Boa Vida polo apoio prestado!

viernes, 16 de octubre de 2015

17 OUTUBRO. CAMPAÑA POBREZA CERO: OBXECTIVO COMPARTIDO

Este sábado 17 de outubro a Asociación Boa Vida realizaremos unha actividade na rúa co obxetivo divulgativo e informativo sobre a pobreza, causas e alternativas. 
Visítanos na Rúa Sierra fronte ao Mercado de Abastos e axúdanos a visibilizar este día a través dos hashtags:

@BoaVida_IA
#17O
#ContraAPobrezaDignidade
#erradicaciondapobreza
#alternativaspobreza
#esixeresponsabilidades



Recordamos tamén que o mesmo sábado estará a asociación 4Ponlas (https://www.facebook.com/4Ponlas-439637759530482/) co seu mercado de consumo local e responsable.


Manifesto da Asociación Boa Vida. Mañán 17 de Outubro ás 12:30 na Rúa Siera



A Asociación Boa Vida como membro da EAPN quere sumarse no 17 do outubro, Día Internacional para a Erradicación da Pobreza, á súa proposta de achegar ás forzas políticas da nosa cidade, do noso Parlamento  e á sociedade en xeral as nosas voces e conclusións froito da implicación nas diferentes xuntanzas de participación tanto a nivel galego como estatal e Europeo.

Porque a nós non nos exclúe ninguén e a participación social e política funciona e así debe seguir sendo. Falamos dos nosos deberes como cidadáns e demandamos os nosos dereitos a través da nosa actividade diaria e nos Encontros de Participación e Cidadanía inclusiva aos que asistimos.
Baixo o lema da campaña  “Concellos ao servizo das persoas”da EAPN, as forzas políticas candidatas ás eleccións municipais coñeceron  datos obxectivos sobre a  pobreza nos diferentes concellos galegos, así como a indigna “lotería social” dos baixos recursos destinados a combatela en moitos deles, sendo a nosa unha das cidades cos índices de pobreza máis altos de Galicia aínda que os nosos representantes no goberno local non parezan tomar consciencia e medidas visibles para loitar contra ela.
Daquela, como agora esiximos Compromiso (en orzamentos e planificación estable), Coordinación entre as administracións públicas e as organizacións sociais e unha loita contra as causas da pobreza e pola inclusión activa, moi lonxe do asistencialismo.
“Somos persoas, non zombis” resumía unha persoa xa con fogar contándonos como comezou a deixar de vivir na rúa.
Ter información veraz, debates mais próximos, eliminar privilexios e potenciar dereitos dando, deste xeito, máis voz ao pobo. Facer que as administracións estean de verdade ao servizo das persoas, nestes tempos onde a precariedade laboral, falla de recursos, recortes nos servizos sociais básicos e carencia de vivendas dignas, seguen sendo problemas da vida cotiá de moitas persoas, no só en Galicia senón tamén en toda España e no mundo.



Non estamos sos, descubrimos os “consello de cidadáns” en Portugal como un claro exemplo de participación das persoas en risco de pobreza e exclusión na vida social, política e económica.
Somos cidadanía activa e como tal, reclamamos e defendemos os nosos dereitos, reivindicamos o noso espazo e propoñemos medidas que cremos farán posible una sociedade máis xusta para todos e todas.
o   Garantir unha renda mínima (en Galicia a RISGA) para quen a precise. Evitando a burocratización e os elevados retrasos na súa xestión local e autonómica.
o   Transparencia nas actuacións das administracións públicas a nivel local, autonómico e estatal.
o   Compromiso a hora de facer fronte aos déficits actuais en materia de sanidade, educación : bolsas do comedor, material escolar, medicamentos, etc.
o   Vontade  e compromiso en materia de emprego, priorizando as persoas en risco de pobreza e exclusión social.
o   Loita activa e real contra o fraude fiscal e a corrupción. Esixindo responsabilidades inmediatas e non queden impunes os corruptos.
o   Facer que sexan compatibles as axudas e prestacións coa formación (con axuda de bolsa) e o emprego.
o   Garantir como dereito activo o acceso a unha vivenda digna, xerando fondos de vivendas no alugueiro e garantir teito digno ás persoas que sufriron desaloxos.
As palabras e as boas intencións xa non abondan. Propomos unha acción aos partidos políticos e á cidadanía que podedes recoller na mesa de Boa Vida.
Cunha pobreza e desigualdade cada vez más extremas e crónicas, son necesarias accións concretas que muden dunha vez a realidade.
Somos positivos e seguiremos a loitar polo que queremos:
Unha sociedade xusta e libre da pobreza e a exclusión.

Pontevedra,  17 de outubro de 2015

martes, 6 de octubre de 2015

Gañadora da cesta de xoguetes

A persoa gañadora da cesta de xoguetes que sorteamos o día 2 de outubro foi a que tiña o seguinte boleto

Xa recolleu o premio na nosa tenda solidaria da Rúa Cruz Vermella nº16 en Pontevedra. 

Parabéns!! agardamos que o disfrutedes.

lunes, 21 de septiembre de 2015

Ciclo de charlas Boa Vida, ADICAE, AECOSAN

A raiz do traballo que ven desenvolvendo Boa Vida Inclusión Activa en materia de información e asesoramento dos dereitos da cidadanía, colabora na organización xunto con Adicae-Vigo (Asociacion de Usuarios de Bancos, Caixas e Seguros) nun ciclo de charlas, financiadas por AECOSAN (Axencia Española de Consumo, Seguridade Alimentaria e Nutrición). Son abertas ao público interesado en materia de defensa dos nosos dereitos como persoas consumidoras; celebraranse na Casa da luz, ubicada na Praza de Verdura en Pontevedra.


A continuación detallamos as datas, títulos das sesións e horarios:
  • 24 de setembro: "Coñece a túa factura da luz e aprende a reducila", as 18 horas
  • 21 de outubro: "Consumo para persoas maiores e as súas familias", as 18 horas
  • 29 de outubro: "Que non che tomen o pelo co teu seguro, coñece e defende os teus dereitos", as 18 horas
  • 5 de novembro: "Orzamento e financiación familiar: crédito non hipotecario", as 18 horas
Agradecemos a difusión das mesmas e vos esperamos!!!!.

sábado, 12 de septiembre de 2015

Ciclo charlas defensa dos nosos dereitos

Boa vida conta con programas informativos e de asesoramento referentes a dereitos e deberes como cidadás, especializada en temáticas sociais para persoas en situación de exclusión social.

Ven colaborando con ADICAE Consumidores Críticos, Responsables e Solidarios na organización dunha serie de accións informativas para a defensa dos dereitos dos consumidores na cidade de Pontevedra.
A primeira destas actividades que organiza ADICAE versa sobre os dereitos das persoas consumidoras en materia de alimentación: Que non se coman os teus dereitos” que se vai celebrar o próximo xoves día 17 de setembro as 18:00 horas na Casa da Luz ubicada na Praza da Verdura. será impartido por Miguel Pardellas, da cooperativa Feitoría Verde.


Este aula ten como obxectivo informar os cidadáns acerca dos dereitos en alimentación, de como diferentes factores actúan sobre os alimentos a nivel mundial e como podemos influír coas nosas compras para a mitigación dos mesmos. Ensinaremos as claves de como interpretar a información que nos facilitan dos produtos alimentarios para mellorar a nosa toma de decisións.
Ademáis de Boa Vida, colaboran nestas actividades ó AECOSAN (Axencia Española de Consumo, Seguridade Alimentaria e Nutrición) ea Casa da Luz do Concello de Pontevedra.

O seguintes obradoiros son:

  • 24 de setembro: "Coñece a túa factura da luz e aprende a reducila",
  • 21 de outubro: "Consumo para persoas maiores e as súas familias",
  • 29 de outubro: "Que non che tomen o pelo co teu seguro, coñece e defende os teus dereitos",
  • 5 de novembro: "Orzamento e financiacimento familiar: crédito non hipotecario",

Todos ás 18 horas na Casa da Luz ubicada na Praza da Verdura