8 M XORNADA DE FOLGA DAS MULLERES

Alí estivemos orgullosas de participar!

https://youtu.be/e6KxL1xFsKk

ASAMBLEA XERAL 2018

A asociación boa vida presenta balance e plan de traballo 2018 no local social do Gorgullón

Pecha o 2017 con balance positivo tanto a nivel económico como no equipo humano

A asemblea aberta terá lugar de 10 a 13 horas mañá sabado 24 de febreiro no local cedido pola asociación Eduardo Pondal para este evento.

Neste 6 ano de actividade a asociación seguiu traballando na loita por un mundo mais xusto facilitando información, orientación e ingresos a cidadanía pontevedresa

Como xa é coñecido a Asociación ten dous piares de traballo por un lado a Oficina de Dereitos e Deberes Sociais financiada principalmente pola Consellería de Politica Social e o Fondo Social Europeo, na que durante o 2017 se chegou a 600 persoa cos repartos de información na rúa e con entrevistas na oficina a 200 persoas sobre recursos sociais e se levaron a cabo 21 acompañamentos intensivos e 13 de baixa intensidade, dos cales 6 atoparon emprego.

Neste mesmo programa desenvolven a formación que no 2017 foron 3 curso de reciclaxe textil (Cambados, Poio e Pontevedra) coa participación de 45 persoas que viron melloradas as súas habilidades sociais e coñecen o proceso da reciclaxe téxtil.

A deputación de Pontevedra cofinanciou nun 80% o obradoiro permanente de reciclaxe e habilidades sociais no que participaron 15 persoas, que recibiron formación en empoderamento dixital, habilidades sociais, alimentación, busca de emprego e reciclaxe diverso.

Asemade a Dirección Xeral de xuventude participación e Voluntariado co financiou nun 40% a VI Escola de Verán, coa que se incorporaron voluntarios novos e se formou o voluntariado.

O espiritu de traballo en rede segue marcando a actividade da asociación que manten contacto con Cruz Vermella, Interparroquial de Monteporreiro, San Vicente de Paul e a EAPN.

O segundo piar, BOA VIDA TRAPERA, recollidas, selección de material en desuso e facilitación de ingresos a persoas en situación de exclusión.

Este traballo é posible grazas ás doazons da cidadanía Pontevedresa que durante o 2017 realizou 2204 doazóns o que supñon un aumento do 40% respecto ao 2016. Un dos puntos mais importantes de recollida é o Café Moderno donde se poden depositar as bolsas.

Cos ingresos obtidos a asociación pode sufragar os gastos de mantemento dos alugueres e furgoneta así como facilitar ingresos a 9 familias que ao longo do ano puideron traballar na asociación e recibir unha beca de formación de forma que ao tempo que aprenden reciben ingresos. O importe destinado a este fin foi durante o 2017 de 23798,42 euros o que supon o 56,57% dos gastos totais desta actividade. Que se pode manter grazas ao traballo que levan a cabo un equipo de 30 persoas voluntarias que con dedicacións horarias diferentes fan posible a actividade.

Unha actividade especial que realiza dende este proxecto son os micro-creditos que ascenderon a 1627 euros dos cales estan pendentes de devolución 981,76.

Para o 2018, a organización pretende ampliar en dous postos o traballo no piar de recollidas o que lles permitiria manter as recollidas de mobles e obxectos mais voluminosos, asemade precisa consolidar o equipo tecnico da oficina de dereitos sociais co que pretende impulsar un programa de participación que se chamará “caféquente”. Co que manterá a actividade formativa e de loita contra a pobreza relacional de forma continuada con reunións duas veces ao mes.

Asemade executará o convenio coa Universidade de Vigo para iniciar o plano estratéxico 2019-20122.

Agradece a cidadanía tanto os procuctos que lle achega como as compras que realiza na rúa Santa Clara 35.

FORMACIÓN GRATUITA EN VILABOA

Aínda podes anotarte!

O camión deste ano levou algo máis de 12tn grazas a vós

Grazas a todas as persoas que nos apoian. Lembra que se queres traer a túa roupa nos mudamos á Rúa Santa Clara número 35 o 3 de xullo.

Podes chamarnos para que recollamos o que non che serve 886160950

ASAMBLEA XERAL 2017

A asociación Boa Vida triplicou no 2016 a súa inversión en bolsas de traballo e contratacións

-O gasto en persoal incrementouse ata os 21.045 euros no último ano pola consolidación da tenda solidaria

-A Oficina de Dereitos e Deberes Sociais atendeu a máis de 200 persoas aportando información e formación laboral

A asociación solidaria pontevedresa Boa Vida Inclusión Activa celebrou esta mañá a súa asablea anual na que fixo balance dun ano 2016 no que destacou a consolidación de actividades como a oficina de dereitos e debers sociais (ODDS) ou a tenda solidaria. A boa marcha destas labores permitiu triplicar no último ano a súa aportación en bolsas de traballo e contratacións, ao incrimentarse dos 7.309 euros de 2015 aos 21.045 en 2016.

Na asablea destacouse tanto a consolidación da actividade de Boa Vida como a do grupo humano que a compón. Formado por 41 socios, o 2016 foi un ano de crecemento en relación con outras asociacións e administracións e que se reflictiu no incremento de actividades solidarias realizadas en Pontevedra e en Vilaboa ou Poio e Cambados, así como dentro da Rede Galega Contra a Pobreza EAPN-Galicia.

Dende Boa Vida reivindican medidas para facilitar traballo e cláusulas sociais nos contratos da administración pública e ofrece unha atención digna ás persoas en situación de porbeza e exclusión social. Como ferramentas, o colectivo proporciona espazos de formación, pero tamén de capacitación laboral como son os traballos de recollidas e a tenda solidaria, cuxos ingresos permitiron o importante incremento no gasto en persoal no 2016, traducíndose na creación de 9 bolsas de formación e a creación de dous contratos temporais a dúas persoas en situación de exclusión.

Os traballos de recollidas e a tenda solidaria foron levadas a cabo por máis de 20 persoas no 2016, entre persoal voluntario, contratado e bolseiro no número 16 da rúa Cruz Vermella de Pontevedra. Dende Boa Vida destacaban o incremento no 16% na recollida de donacións con respecto ao 2015, grazas as recollidas en domicilios como na tenda e outros puntos colaboradores do colectivo como Centro Leste, Café Moderno, Concello de Vilaboa ou Geriatros Vigo, Fusión Fitness en Xinzo de Limia, ou a Universidade de Vigo.

Máis de 200 persoas atendidas

No 2016 a asociación Boa Vida puxo en marcha de forma estable a actividade da Oficina de Dereitos e Deberes Sociais na rúa Marquesa. Nace co propósito de facilitar a persoas con menos recursos información e formación sobre a insercción na vivenda e o emprego, a saúde, economía doméstica, gasto enerxético e asesoramento sobre axudas sociais.

A actividade central da oficina son os Itinerarios de inserción, que este ano foron en total 25 dentro do proxecto "Itínere", en convenio coa Xunta de Galicia. Ademáis hai que sumar os diferentes cursos de formación celebrados en Pontevedra. No 2016 a Oficina de Dereitos e Deberes Sociais atendeu a 200 persoas con informacións puntuais e orientacións persoais laborais e formativas, así como os 25 participantes da V Escola de Verán, que este ano se dedicou a Guía de Axudas Sociais publicada coa axuda do Concello de Pontevedra e na que participaron os colexios oficiais de Taballo Social e Educación Social.

Tamén destacou a participación de membros da Oficina de Dereitos e Deberes Sociais de Boa Vida impartindo diversas conferencias en Monteporreiro ou Santiago de Compostela, así como diferentes actividades de ámbito reivindicativo como as Marchas da Dignidade, a campaña do día internacional contra a pobreza e nos grupos de traballo da EAPN-Galicia.

Na asamblea, os membros de Boa Vida renovaban o seu compromiso coas persoas en situación de probreza e exclusión coa que naceu a asociación. Así, presentaba o seu plan de traballo para este ano. Entre as iniciativas destacan o inicio da colaboración coa Universidade de Vigo, seguir ampliando a relación con asociacións e concellos da contorna, comunidades de vecinos e centros educativos.

Tamén ten o obxectivo de rexistrar a Boa Vida Trapera como empresa de inserción, así como progresar na súa consolidación, así como na da tenda solidaria. Ademáis, estase a deseñar un proxecto para aumentar a formación das persoas que acuden á Oficina de Dereitos e Deberes Sociais complementaria co proxecto "Itínere".

A VALEDORA DO POBO E OS “SEN TEITO” DE SANTIAGO

 Nós unímonos ao comunicado do Movemento Galego de Saúde Mental

                   A VALEDORA DO POBO E OS “SEN TEITO” DE SANTIAGO

Cando parecía que a cuestión dos denominados “sen teito” (persoas sen fogar, algunhas das cales viven na rúa) estaba a solucionarse en Santiago, a Valedora do Pobo vén de despacharse cunhas declaración públicas radicais e agresivas, tanto contra as persoas que se atopan nese estado como contra o Goberno do Concello de Santiago.

A acción desenvolvida polo Concello, facilitar vivenda e acollemento e dispoñer de equipos de rúa para as persoas aludidas (suplindo así a carencia de equipos asistenciais do SERGAS) , non logrou modificar unha actitude da titular da Institución que se resume na frase posta na súa boca que reza “la solución a los sin techo será incapacitarlos y someterlos a un tratamiento”.

Así. E xa estaría todo resolto según ela pensa.

Equipara a Valedora a unha persoa sen fogar cunha persoa sen capacidade de obrar e que polo tanto debe ser tutelada e ademais, según ela, debe ser tratada anque sexa contra a súa vontade. Someter é a palabra que se lle veu á boca. Como si ainda estivéramos no século XVIII.

Non se sabe que é mais chocante, se a simpleza e intolerancia da solución que se lle ocurriu ou que esta sexa defendida por quen ten entre os seus cometidos o de protexer os dereitos fundamentais das persoas que a ela acudan en amparo.

Sustenta esta tremenda proposta na valoración que fai dunhas condutas que, ou ben parecen problemas de convivencia no espazo público, ou mesmo quizais delitos menores. 

En ámbolos dous casos a incapacitación non acostuma a ser a solución, agás que a titular da Institución da Valedora do Pobo sexa coñecedora de motivos que aconsellen, para mellor protexer os dereitos desas persoas, proceder á súa incapacitación (xa que esa é a razón principal para esa actuación xudicial, e non outra). Isto situaríaa ante o deber de iniciar, no mellor cumprimento da súa misión institucional, a acción de incapacitación poñendo en coñecemento do Ministerio Fiscal a existencia desa persoa necesitada de protección. 

¿Por qué reclamar ó Concello aquelo que mellor pode facer ela mesma e que nun certo sentido, se fora coñecedora dos motivos que di coñecer, estaría obligada a facer?.

Noutros lugares, por outras figuras institucionais (algunha presidenta autonómica, por

exemplo), xa se fixeron propostas como esta, tan elementais e desconsideradas cos dereitos das persoas. Pronto se retractaron e recoñeceron que na sociedade temos que caber todos, afortunados e desafortunados, ricos e pobres, sans e enfermos,...

Non deixa de chamarnos a atención que mentres se fan estas propostas se nos teña

contestado pola Valedora á queixa formulada o pasado mes de abril , en relación coa tráxica morte dunha paciente psiquiátrica nunha residencia en Mondoñedo, na que chamábamos á súa actuación ante a situación de enfermos psiquiátricos en réximen residencial en lugares inapropiados para o seu estado, cun escrito no que se deron por boas as explicacións xenéricas dos plans de actuación das Consellerías de Política Social e Sanidade respecto á “externalización” de pacientes psiquiátricos (explicacións remitidas previa insistencia e seis meses despois de exposta a queixa).

Actitudes como as que subxacen ás opinións da Valedora son compoñentes esenciais da

estigmatización que sufren as persoas afectadas por trastornos mentais. Vencellar

prexuizosamente condutas (xa sexan incívicas xa sexan dun gusto que non se corresponde co noso) con incapacidade para rexerse, só contribúe á maior marxinación dos xa mais débiles, á insolidariedade social, á rixidez na convivencia, á uniformización e ó agochamento daqueles que ca sua presenza nos recordan a sociedade imperfecta e inxusta na que vivimos.

Son esas unhas actitudes opostas ás que debe ostentar alguén que ten como deber protexernos a todos e, sobre todo, ós mais fráxiles.

En Santiago a 28 de novembro de 2016

MOVEMENTO GALEGO DA SAÚDE MENTAL

http://www.lavozdegalicia.es/noticia/santiago/2016/11/27/solucion-sintecho-sera-incapacitarlos-someterlos-tratamiento/0003_201611S27C5991.htm

Xa temos furgoneta!!! GRAZAS!!

Na pestana da campaña Pobreza 0. Obxectivo compartido tendes toda a información actualizada 

I XORNADA SOBRE SENFOGARISMO EN COMPOSTELA O 27 DE OUTUBRO

O vindeiro día 27 de outubro de 2016 celébrase a Primeira xornada sobre senfogarismo en Compostela, unha actividade promovida pola Concellaría de Políticas Sociais, Diversidade

e Saúde do Concello de Santiago de Compostela.

A nosa directora Pepa Vázquez estará pola mañá falando da nosa experiencia como asociación e pola tarde a nosa presidenta Teresa Patiño falará sobre a súa experiencia persoal.

PROXECTO ITINERE

Coma en anos anteriores a Xunta de Galicia e o Fondo Social Europeo financian o noso Proxecto Itinere que se desenvolve na nosa Oficina de Dereitos e Deberes Sociais na Rúa Marquesa n5, 2º andar, porta A (prestada por Proceso Psicoloxía).

Se precisas un asesoramento, acompañamento ou información en temas de axudas sociais, formación, dereitos sociais, busca de emprego solicita cita previa nas nosas oficinas ou por teléfono.

Curso de chatarra e reciclaxe téxtil

FE DE ERRATAS. NO CARTEL ONDE PON INCIO O 26 DE OUTUBRO LER 26 DE SETEMBRO. PERDOADE AS MOLESTIAS

Curso de chatarra e reciclaxe téxtil con bolsa de asistencia.

Lembra inscribirte nas nosas oficiñas ou na nosa tenda

Tes até o 23 de setembro.

Boa Vida ata o ceo

Aínda que ultimamente teñamos parado algo máis as redes sociais, individualmente e como equipo non hai quen nos pare!!
Seguimos traballando con máis ilusión se cabe polos pequenos grandes logros.
Renovamos a tenda eventualmente grazas ao poderío decorativo da nosa querida Jessyca.
                                                                                                                                                                   

Hoxe acabamos coa xustificación da subvención da Xunta (grazas Pepa!) a cal nos permitiu acompañar procesos de inclusión a persoas en situación de pobreza e exclusión, facilitándolles información de calidade e apoio psico-emocional para que poidan seguir loitando pola súa dignidade (grazas especiais a Aurora e Matilde neste traballo).

Con ganas, ilusión e moitos esforzos. Grazas ao equipo humano que compón Boa Vida e a todo o apoio que nos chega de diversas formas porque así dámoslle tamén forma ao noso obxectivo-proxecto de empresa de inserción.

 

O próximo 7 de abril é o primeiro aniversario da tenda. Estamos moi contentas de poder celebralo, aínda que nos falte unha persoa moi especial que nos deixou hai pouco (Lito) quen gritaba e loitaba con orgullo polo que sentía e cría xusto. Foi todo un apoio nos nosos primeiros pasos. Enchíanos de enerxía ler as súas palabras cheas de orgullo sobre a asociación e o que eramos para el. Querido amigo, alá onde esteas lembrarémosche sempre. Boa vida ata o ceo!

Unha aperta.

Boletín febreiro

Como cada mes achegamos o noso boletín, nesta ocasión presentamos o resumo da nosa memoria do traballo realizado durante o ano 2015 e tamén a invitación á nosa asamblea ordinaria aberta.  Para esta última precisamos inscrición previa así que non dubides en chamarnos para confirmar a túa asistencia. 

CAMPAÑA: A TÚA SOLIDARIEDADE TEN PREMIO

Seguimos recollendo roupa, calzado e xoguetes, pero durante un mes (do 8 de decembro ao 8 de xaneiro) coa túa entrega darémosche un ticket co que poderás elixir un tratamento facial ou un estudo nutricional gratuíto.

Grazas á colaboración de Centro Estilo de Vida Activo e a un gran número de salóns de estética e perruquería de Pontevedra, cafeterías e outros comercios que colaboran na visibilización desta campaña.

Mostramos así os seus servizos a persoas que colaboran con Boa Vida e os seus clientes habituais poderán ser informados do noso traballo e a nosa campaña de recollida con fins sociais. 

O traballo en rede pode xurdir de moitas maneiras e desde moitos puntos diferentes.

Grazas a quen o fai posible!

- Centro de estética Ponte Guapa -- rúa Michelena, 20 1º D

- Peluquería Ana Belén Olveira ----- rúa Castelao, 5 entreplanta

- Peluquería Aire Estilistas ----------- rúa Augusto González Besada, 13 baixo

- Peluquería Ana Barros --------------- rúa Marqués de Riestra, 14 baixo

- Peluquería Emi -------------------------- rúa Nova de Arriba, 50 baixo

- Peluquería Ani Soliño ---------------- rúa Maestro Soutullo, 7 1ºA

- Peluqueria ENCAR --------------------- rúa Gerardo Álvarez Limeses, Galerías Venecia local 4

- Peluquería Nova Imaxen ------------ rúa Oliva, 26 entreplanta

- Peluquería de caballero Wenceslao rúa Alfonso XIII, bajo

- Peluquería Rosa ------------------------ rúa Pardo Bazán 10, bajo

- DYPS 3 Perfumería - Cosmética - rúa Echegaray, 33

- Encuadernaciones Vimón ---------- rúa Marqués de Riestra, 7

- Nakasa Interiorismo ------------------- Praza de Galicia nº 5

- POT, objetos singulares y otras curiosidades ----   Rúa Marquesa 5, galerías  

- A Costureira (Hortensia Logroño) Arreglos y confecciones --- rúa Emilia Pardo Bazán, 10 bajo.

- Los Dedales de Mamá - Mercería Creativa ---- rúa Pardo Bazán, 14

- MOTOBIKE ------------------------------- Camiño Vello de Castilla, 4 
- Deportes Estadio ---------------------- Rúa Santa Clara
- Reformas Rey --------------------------- Rúa Echegaray, 45 - bajo
- Corujo Asesores ---------------------- rúa Jofre de Tenorio, 8 entreplanta
- Ara Formación -------------------------- rúa nova de Arriba, 1

- Fruterías Katuxa

- Bar - Cafetería Stratos --------------- Paseo de Colón 20
- Croisantería Dulce de Leche ----- rúas Raiña Victoria, Peregrina e Fernández Ladreda. 
- Cafetería Encuentros 2 -------------- rúa Alfonso XIII, 9 

Se queres máis información podes contactar con nós no teléfono 605 399 142 ou con Caty Argibay 633 376 769.

    

 

Participación de Lotería de Nadal

Xa sabedes da nosa campaña Pobreza 0: obxectivo compartido da que podedes consultar máis detalles neste evento ou na pestana deste mesmo blog con ese mesmo nome

https://www.facebook.com/events/462176800647805/

Ademáis para seguir recadando fondos este ano temos participacións de Lotería de Nadal que podes adquirir na nosa Tenda Solidaria na Rúa Cruz Vermella nº16 en Pontevedra.

Anímate e axúdanos, con cada participación donarás 1€ á nosa causa!

Esta semana nos recibiu o Partido Popular. Campaña Pobreza 0: obxectivo compartido

No marco da nosa campaña "Pobreza 0: obxectivo compartido" xa nos teñen recibido Marea Pontevedra, Podemos , Ciudadanos e esta semana tamén o Partido Popular. Con resposta positiva por parte de todos eles como xa sabedes polas nosas anteriores publicacións. Tamén temos confirmada unha reunión co PSOE que nos recibirá para valorar cómo poden axudarnos. Somentes falta o BNG que sigue sen contestar a nosa petición de reunión.

17 Outubro. Día Internacional pola erradicación da pobreza e presentación da campaña POBREZA 0: OBXECTIVO COMPARTIDO

Onte ás 12:30 limos o manifesto contra a pobreza no que pedimos que se garantan ingresos mínimos universais, compromiso e transparencia en todas as actuacións das administracións públicas e dos partidos políticos e o acceso a vivenda universal.

Pedimos o 0.7% dos ingresos anuais dos representantes políticos a todos os niveis da administración e o seu compromiso na loita contra a pobreza.

Nós precisamos 4000€ para unha nova furgoneta e queremos chegar aos 15000€ para poder seguir traballando e mantendo os nosos proxectos, para istó pedimos tamén a colaboración cidadá.

Este primeiro convite xa tivo resultados, con contestación favorable a estas propostas de Ciudadanos, mentras que o PSOE e a Marea Pontevedra recibiranos en entrevistas para valorar a proposta.

O PP e Podemos desculpan a súa ausencia mentras que o BNG non contestou ao escrito, polo que se lle volverá a enviar a carta e solcitar a correspondente entrevista.

Grazas a todos os asistentes, á asociación 4Ponlas, aos voluntarios e particpantes de Boa Vida polo apoio prestado!

17 OUTUBRO. CAMPAÑA POBREZA CERO: OBXECTIVO COMPARTIDO

Este sábado 17 de outubro a Asociación Boa Vida realizaremos unha actividade na rúa co obxetivo divulgativo e informativo sobre a pobreza, causas e alternativas. 
Visítanos na Rúa Sierra fronte ao Mercado de Abastos e axúdanos a visibilizar este día a través dos hashtags:

@BoaVida_IA
#17O
#ContraAPobrezaDignidade
#erradicaciondapobreza
#alternativaspobreza
#esixeresponsabilidades

                                         

Recordamos tamén que o mesmo sábado estará a asociación 4Ponlas (https://www.facebook.com/4Ponlas-439637759530482/) co seu mercado de consumo local e responsable.