SELECCIÓN PECHADA! Monitor/a Curso de Cociña Tradicional

Precisamos dun ou dunha monitora para impartir un módulo de 3 días sobre cociña tradicional, se tes coñecementos sobre o tema, se che gusta a cociña e che gusta ensinar, contacta con nós.

NOTA DE PRENSA

NOTA DE PRENSA

O CONCELLO DE PONTEVEDRA COLABORA COA ASOCIACIÓN BOA VIDA

IMPARTIRAN UN CURSO De Empregada/o de fogar

Financiadas ao 100% pola“ Consellería de Política Social, e o Fondo Social Europeo a asociación levará a cabo un curso de Empregada/o de fogar, no que se poden inscribir tódolas persoas interesadas do Concello de Pontevedra e arredores.

Ás persoas participantes no curso formaranse en  coñecementos principais para levar a cabo os labores do fogar , limpeza, lavado, secado e pranchado das pezas, elaboración de alimentos e o coidado dos máis pequenos e maiores.

Asemade recibirán dous módulos de busca de emprego e igualdade de xénero, nos que afinarán as habilidades principais para atopar traballo e coidarse para coidar aos demais.

O curso levarase a cabo na Casa Azul do Concello de Pontevedra, ten unha duración de 100 horas, e dará comenzo o 2 de abril, o alumnado terá dous días libres á semana para poder facer outras actividades, e rematará o 28 de maio, o horario será de 9:30 a 13:30.

Para inscribirse e participar na selección hai que dirixirse a Asociación Boa Vida Telf 688124762 ou acudir á Rúa Santa Clara 35, deixar o nome e telefono e serán citados para entrevista.

Terán preferencia as persoas enviadas dende os servizos sociais municipais e de organizacións sociais da contorna, así como aquelas que conten con situacións de maior vulnerabilidade e factores de exclusión como o desemprego, cargas familiares non compartidas e outros procesos de rehabilitación social.

Puntos de inscricións e información:

• Oficina de Dereitos e Deberes Sociais Boa Vida
• Telf. 698124762 R/ Santa Clara nº35 Pontevedra.
• Mail: itinerariosboavidainclusion@gmail.com

Mais información

Telf. 605 399 142

“Esta actuación enmárcase dentro do Programa Operativo do FSE Galicia 2014-2020, no seu obxectivo 9 “Promover a inclusión social e loitar contra a pobreza e calquera forma de discriminación”

NOVA FORMACIÓN EN RECICLAXE TÉXTIL EN BARRO

No mes de marzo comezará un novo curso de Reciclaxe Téxtil, esta vez no Concello de Barro. No cartel tes a informacion para solicitar a túa praza!

RESUMO DE ACTIVIDADES OUTUBRO. INICIO DA CAMPAÑA DO NADAL

Neste mes de outubro dende a Asociación Boa Vida estivemos a desenvolver varias actividades:

Temos iniciado o Curso de Reciclaxe e Reciclaxe Téxtil financiado pola Consellería de Política Social coa participación de La Canalla e XIRO

Fomos de visita formativa a Traperos de Emaús de Navarra para fortalecer o noso traballo de grupo

Participamos das actividades da EAPN no día da loita contra a Pobreza (17 de outubro) e nesa data tivemos unha saída á rúa para reivindicar os nosos dereitos.

En datas vindeiras presentaremos a campaña de Nadal deste ano, estade atentos!

E Grazas, sempre grazas!

VI ESCOLA DE VERÁN

Animamos a participar. Ven a coñecernos, estamos cerca de ti, na rúa Santa Clara 35. 

OBRADOIRO DE RECICLAXE E HABILIADADES SOCIAIS, MÓDULO IV BUSCA ACTIVA DE EMPREGO (BAE)

O pasado 6 de xuño realizamos un obradoiro de técnicas de Busca Activa de Emprego onde os nosos participantes puideron traballar de forma experiencial e adquirir algúns trucos e técnicas para mellorar a súa maneira de facer a busca de emprego. 

Moi satisfeitas coa participación e o interese mostrado

GRAZAS!

CURSO RECICLAXE E RECICLAXE TÉXTIL. MÓDULO RECICLAXE PARAUGAS

17 coa EAPN Galicia

O pasado 17 de Outubro realizamos a nosa reivindicacións de cara ao día Internacional de Loita contra a Pobreza pero tamén estivemos presentes, grazas á nosa voluntaria Ruth no acto que a EAPN Galicia realizou ese día xunto coa Valedora do Pobo co lema SOMOS PERSOAS NON EXPEDIENTES!

Na súa páxina tendes información mais detallada sobre este acto pero compre salientar os números do índice AROPE para tomar conciencia de que temos que loitar entre todos para poder avanzar cara unha sociedade máis xusta e inclusiva.

http://eapn-galicia.com/es/sobre-la-pobreza-internacional-de-erradicaci%C3%B3n-de-la-gente-no-son-registros/

Seguiremos participando nesta loita que nos inclúe a todas as persoas

FELIZ ENTRADA NO ANO 2016

Feliz entrada no ano! Que o 2016 veña cargado de oportunidades e que xuntemos entre todos as forzas para continuar esta viaxe que e Boa Vida. Grazas 2015 por todo o que puidemos aprender, grazas a todos os que dun xeito ou doutro formades-mos parte de Boa Vida.
Deixamosvos un agasallo, este video realizado polos nosos compañeiros de Traperos de Emaus Murcia con quen compartimos unhas xornadas fai uns meses, disfrutadeo!

https://drive.google.com/file/d/0Byb18N5IeTN0LWtLbl9Id3pMODA/view?ts=5684ddfe

PROXECTO ITINERE

Como ben sabedes moitos dos que nos seguides, levamos realizando Itinerarios Personalizados de Inserción, enmarcados no proxecto da Oficina de Dereitos e Deberes Sociais, dende o ano 2014. 

Este ano a Xunta de Galicia fináncianos de novo estas actuacións que son desenvolvidas no denominado Proxecto Itinere que pasamos a explicar brevemente:

O Proxecto Itinere é un programa especial de formación e emprego enmarcado no Programa Operativo do FSE Galicia 2014-2020, no seu obxectivo 9 “Promover a inclusión social e loitar contra a pobreza e calquera forma de discriminación” e desenvolvido pola Asociación Boa Vida.

OBXECTIVOS DO PROGRAMA:

- Fomentar a Inclusión Social mediante o acompañamento no proceso de formación e capacitación das persoas participantes.

- Posibilitar o acceso ao mundo laboral.

- Dotar de habilidades sociais e potenciar as capacidaes individuais de cara a busca de emprego, a mellora persoal e a inclusión social.

Realizaranse Itinerarios Individualizados de Inserción segundo o Plan Galego de Inclusión Social no que se fixarán unha serie de obxectivos axeitados a cada participante.

Levaranse a cabo actuacións formativas, capacitadoras e de acompañamento tanto individuais como de grupo para acadar ditos obxectivos.

Sen olvidar o carácter integrador de ditas actuacións que se farán baixo unha filosofia de TRABALLO EN REDE

CONTACTO:

Para participar no programa solicita a túa cita telefónicamente, a través de correo electrónico ou persoalmente en:

  R/Cruz Vermella 16 Pontevedra 

886 160 350 e 691 201 517 

itinerariosboavidainclusion@gmail.com